Ибрагим Нуракун уулу: Sputnik Кыргызстан пропаганда куралы болот деген кооптонгонбуз
Жогорку Кеңештин маалымат кызматынын жетекчиси Ибрагим Нуракун уулу Sputnik Кыргызстан биринчи уюшулуп жатканда кайсы бир өлкөнүн пропагандалоо куралы болуп калышы ыктымал деген күмөн пайда болгонун айтты. Бирок агенттик эки жылдык ишинде калыс маалыматтарды берип келе жатканын белгиледи.
"Эки жылдан бери бейтарап, калыс маалыматтарды чагылдырып келе жатат. Айрыкча Кыргызстандын ичинде өзүнүн улуттук кызыкчылыктарына байланышкан көп нерселерди чагылдырууда. Пропаганда машинасы болуп калат деген кооптонууларды жокко чыгарды деп эсептейм", — дейт ал.
Sputnik Кыргызстан маалымат порталы өз ишин 2014-жылы декабрь айында кыргыз жана орус тилдеринде баштаган.
