БИШКЕК, 28-сен. — Sputnik. Индонезиянын бийлиги Баруджари жанар тоосу атылгандан кийин Ломбок аралындагы туристтерди коопсуз аймакка массалык түрдө көчүрүүдө. Жүздөгөн туристтер изделип жатканын РИА Новости агенттиги билдирди.
Жанар тоо шейшемби күнү кечинде атылып баштаган. Ал асманга эки чакырымга чейин жеткен күл бүрккөн. Өлкө бийлиги Ломбок жана Бали аралдарына болгон аба каттамын токтотууга мажбур болушкан.
Маалыматтарга ылайык, 1,1 миң киши коопсуз жерге көчүрүлгөн. Буга чейин жанар тоо атылган аймакта 400дөй турист бар экени айтылган.
Каза болгондор жана жабыр тарткандар боюнча азырынча маалымат жок.
