"Бир Бол" фракциясынын депутаты Акылбек Жапаров банк системасы тууралуу пикирин Жогорку Кеңеште Улуттук банк жана банктык иштер тууралуу мыйзам долбоору каралып жатканда билдирди.
"Мен президенттин Жогорку Кеңештеги өкүлүнө кайрылат элем. Маселени президентке жеткирип барсаңыз. Анткени мыйзам өтө маанилүү. Сомдун туруктуулугу Улуттук банктын саясаты менен гана камсыз болуп жатат. Кирешеси менен чыгашасы каякта экенин билбей өкмөт дайынын таппай калды. Эгерде ушундай кырдаалда банк системасы кичине эле кыйшая турган болсо, сомдун туруктуулугу эмне болот? Биз абдан кооптуу чекке келип калдык. Кризистин ана балчыгына баттык. Банк системасы кыйшалаңдай турган болсо, анда катастрофа болот деп жатам. Бул мыйзам банк системасынын туруктуулугун жана сомдук кубаттуулугун бекемдейт", — деди депутат.
Аталган мыйзам долбоору талуудан улам үчүнчү окууда добуш берүүгө жөнөтүлдү.
