БИШКЕК, 27-сен. — Sputnik. Эстониянын Таллин шаарында жыл сайын өтүүчү спорттук жана кече бийлери боюнча эл аралык турнирде Бишкектен барган бийчилер финалга чыгып, 3-орунду камсыз кылышты. Бул туурасында Спорттук бий федерациясынын президенти Сергей Титунин кабарлады.
Сынакка Финляндия, Польша, Казакстан, Белоруссия жана Россия баштаган өлкөлөрдөн 50 жуп катышкан.
Кыргызстандык бийчилер Алексей Кибкало менен Татьяна Когадей финалга чыгып, үчүнчү орунду камсыз кылышты.
