БИШКЕК, 26-сен. — Sputnik. Дубайда таксист кардары унутуп кеткен 500 миң долларды кайтарып берди. Бул тууралуу РИА Новости The National басылмасына таянуу менен жазып чыкты.
Пакистандык таксист Түштүк Кореядан келген бизнесменди аэропорттон Дубай шаарына алып келген. Таксист ишкер унутуп кеткен портфелди полиция кызматкерине кабарлаган. Андан соң полиция бат эле акчанын ээсин тапкан.
Бул үлгүлүү кадамы үчүн таксинин айдоочусу Жол башкармалык тарабынан 820 доллар (үчтөн бирин кардар, калганын башкармалык) жана ардак грамота менен сыйланды.
Ушул эле киши былтыр да унаасына кардары унутуп кеткен 13 миң долларды ээсине кайтарып берген.
