БИШКЕК, 25-сен. — Sputnik. Сочиде болгон мелдеште Iron Star титулуна кыргызстандык Данияр Оморов ээ болгонун КР триалтлон федерациясынын директору Елена Лыжина-Полченкова билдирди.
Iron Star 226 Sochi — профессионал жана сүйүүчүлөр үчүн эл аралык триатлон мелдеши. Анын катышуучулары эч тынымсыз белгиленген аралыкты сүзүп (3,86 к.м), велосипед тээп (180,25 км) жана 42,195 марафондук аралыкты чуркап өтүшү керек. Бул үчүн катышуучуларга 17 сааттан ашык убакыт берилбейт.
"Оморов бардык арылыкты 12 саатта өткөн. Финалга 177 киши жетсе, Данияр 172чи болуп келди. Себеби, ал велосипедин оңдоого эле жарым сааттай убактысы кетти", — дейт Лыжина-Полченкова.
Бир жыл мурун кыргызстандык Канат Келсинбеков Кыргызстандын атынан биринчи жолу Iron Man (Темир киши) титулун Францияда өткөн мелдеште алган. Бул аралыкты ал 12 саат 49 мүнөттө өткөн.
Лыжина-Полченкова билдиргендей, бул аралыкты 17 сааттан кем эмес убакытта өткөн ар бир катышуучуга "Темир киши" титулу берилет.
