БИШКЕК, 24-сен. — Sputnik. Ошто жол кырсыгынан үч адам каза болуп, төрт киши жабыркады. Бул тууралуу ӨКМ билдирди.
23 Аяк оона 2016, 20:34
Маалыматка ылайык, үстүбүздөгү жылдын 23-сентябрында саат 07:47де Өзгөн районунун Ана-Кызыл айылында Ford Focus үлгүсүндөгү унаа менен Honda Fit кагылышкан. Натыйжада үч адам каза болуп, төрт киши жабыркаган.
Окуя болгон жерге барган куткаруучулар Honda Fit унаасындагы каза болгон адамдарды чыгарып, милиция кызматкерлерине өткөрүп беришкен.
Жабыркаган адамдар Өзгөн райондук ооруканасына жаткырылды.
