Официанттын көкөйүнө көк таштай тийген 5 учур

© Sputnik / Табылды КадырбековБишкектин кафелеринин биринен архивдик сүрөтү
Бишкектин кафелеринин биринен архивдик сүрөтү - Sputnik Кыргызстан
Жазылуу
21 жаштагы Альбина шаардагы кафелердин биринде официант болуп иштейт. Бийкеч жумушундагы кыжыр кайнаткан учурлар тууралуу айтып берди. Албетте, жашыруун.

БИШКЕК, 24-сен. — Sputnik. Кине сөз уккан официанттар табактагы тамагыңа түкүрүп коет деп эл ичинде айтылган сөз бар. Дал ушундай жагдайга туш келбеш үчүн Sputnik Кыргызстан агенттигинин кеп-кеңешине кулак салып коюңуз. Каарманыбыз Альбина официанттардын көкөйүнө көк таштай тийген учурлар менен бөлүштү.

1. "Эмне тамак бар?" Колуңда меню турат го. Анан калса, "эмнеден жасалды эле?", "даамдуубу?" деген суроолор кыжырга тиет. Алдыгы менюда тамак эле жазылбастан, анын эмнеден жасалары да бадырайып жазылып турат. "Тамагыңар анча деле эмес экен" деп кетишет кээси. Мен ашпозчу жасаган тамакты ташып гана берем. Андай кыйын болсо, өзүнө барып айтпайбы.

Тигүүчү. Архив - Sputnik Кыргызстан
Тигүүчүлөр кантип байып жатышат? Дил маек
2. "Чоң кыз, таанышып албайлыбы". Кардарлардын тийише баштаганы жинди келтирет. Адатта мас балдар. Бирдеме тууралуу күбүрөшүп, залды жаңырта каткырат дейсиз… Официант кыздарга кээде жетекчилик да асылып калган учурлар көп эле кездешет.

3. "Номериң кандай?" Байке, мен курактуу кызыңыз болсо керек, ага сиз курактуу кишинин тийишип жатканын көрсөңүз кандай болот элеңиз… деп айткың келип барып токтойсуң да.

4. Күнөөсүз күнөөлүү болгондо күйбөгөн жериң күл болот да. Биз деле кишибиз го акыры. 15 саат бою иштеп, анан окууга чуркаш деле оңой эмес.

5. Кээде жетекчилик жумуштан кийин калтырып, тасмалдарды жуудурат. Айла жок…

Жаңылыктар түрмөгү
0