БИШКЕК, 24-сен. — Sputnik. Польшадагы угуу жана көрүү боюнча белгилүү заманбап борбор Бишкекте өзүнүн филиалын ачты. Буга демилгечи болгон профессор Хенрик Скаржинский Sputnik Кыргызстан агенттигине эмне үчүн аталган борборду дал Бишкекке ачып жаткандыгын айтып берди. Жана ал телемедицинанын мүмкүнчүлүктөрүн түшүндүрдү.
Бул "Мединкус" клиникасынын дүйнө боюнча төртүнчү филиалы. Ал Польшада 2002-жылдан тарта иштеп келет. Бизге Кыргызстандан көп балдар келет, кудайга шүгүр, алардын көбүнө операция жасалып, угуу жана сүйлөө бактысына ээ болушту. Борбор Азиянын башка өлкөлөрү сыяктуу эле Кыргызстандын балдары үйүнөн көп алыстабай, өз учурунда сапаттуу медициналык жардам алышын каалайт элем", — деп айтты дарыгер.
Профессордун айтымында, борбор жүргүзгөн изилдөө Кыргызстандагы балдардын 15-17 пайызынын кулагы ооруй тургандыгын аныкталган.
"Биз аталган багыттагы программабызды мындан 25 жыл мурда баштаганбыз жана ал тажрыйбаны азыр кыргызстандык кесиптешерге берүүнү каалайбыз", — деди польшалык доктор.
Жаңы борбордун директору Ирина Пежиньскаянын айтымында, бул жерден угуусу боюнча көйгөйү бар кардарларды дарылап жана реабилитациядан өткөрүшмөкчү. Ал жаңы ачылган клиниканын өзгөчөлүктөрүнө токтолду.
Польшалык адис Адам Валковиак Sputnik Кыргызстанга пациенттин дарылануусунда башкысы имплантты туура коюу маанилүү экендигине токтолду.
"Импланттын киргизүүдөн кийинки биринчи этап — жабдууну жеке, өз алдынча ылайыктоо. Дарылоонун жыйынтыгы аппаратты туура төп келтирип, баптоого (настройка) байланыштуу болот. Туура эмес кылып алса, кардардын ден соолугуна зыянын тийгизиши мүмкүн. Мен азырынча, Польшадан аппараты туура баптап, ылайыктоону аралыктан туруп көзөмөлдөп турам. Балким, кийинчерээк ийгиликтүү болуп калса, тажрыйбамды кыргызстандык адистерге өткөрүп берем. Буюрса, алар ишти андын ары өздөрү алып кетет. Бирок, буга убакыт керек. Маселен, мен бул иш менен 19 жылдан бери алектенип келем", — отметил Валковиак.
Буга чейин атактуу отохирург, оториноларингология жаатындагы адис Хенрик Скаржиньски кыргызстандык төрт бөбөккө операция жасап, кохлеардык имплант тагып, жалгаштырган.