БИШКЕК, 22-сен. — Sputnik. Мамлекеттик жана коомдук ишмер Турдакун Усубалиевдин урматына орнотулган эстеликтин ачылышына премьер-министр Сооронбай Жээнбеков катышты. Бул тууралуу өкмөттүн маалымат кызматынан кабарлашты.
Өкмөт башчы убагында Усубалиев менен бирге иштешип калууга оңтойлуу шарт түзүлгөнүн билдирди.
"Турдакун Усубалиев 70 жыл бою партиялык жана мамлекеттик кызматтарды аркалады. 1961-1986-жылдар аралыгында Кыргыз ССРнин Коммунисттик партиясынын биринчи катчысы болуп турду. Усубалиев өлкөнү башкарып турган маалда билим, маданият, экономика, медицина, айыл чарба жана башка багыттарда өнүгүү башталган", — деп билдирди Жээнбеков.
Муну менен катар өкмөт башчы Усубалиев коомчулукка Кыргызстандын кызыкчылыгы жеке кызыкчылыктардан бийик турарын көрсөткөн үлгүлүү фигура экенин белгиледи.
