БИШКЕК, 22-сен. — Sputnik. Премьер-министр Сооронбай Жээнбеков "Арзан турак-жай 2015-2020" ипотекалык насыясынын жеңилдетилген программасынын бекитүү боюнча токтомуна кол койду. Бул тууралуу өкмөттүн маалымат кызматы билдирди.
Аталган чечим жарандардын сунуштарын эске алуу менен кабыл алынган жана ипотекалык насыялоо шарттарынын жеткиликтүүлүгүн жогорулатууга багытталган.
Өкмөттүн кайрдан кол коюлган токтому аркылуу "Жеткиликтүү ипотека" жана "Социалдык турак-жай" багыттары каралууда, ал турак-жай шартын жакшыртууга мүмкүндүк берет. Мында жарандардын тийиштүү категориясы аныкталган.
Андан тышкары, ипотека предметинин параметри кеңейтилет:
- турак-жайдын жалпы аянты – көп кабаттуу үйлөрдө аянты 80 чарчы метр жогору эмес батир, ал эми жеке турак жай боюнча аянты 150 чарчы метрден жогору эмес;
- "ачкычына дейре бүткөрүлгөн" турак-жайдын бир чарчы метринин наркы – "Жеткиликтүү ипотека" багыты боюнча 60 000 сомдон жогору эмес жана "Социалдык турак-жай" багыты боюнча 40 000 сомго чейин белгиленген.
Эскертсек, "Арзан турак-жай 2015-2020" программасы өкмөттүн 5-августтагы токтому менен кабыл алынган.
