БИШКЕК, 22-сен. — Sputnik. Россиянын президенти Владимир Путин Түркия жетекчиси Режеп Тайип Эрдоган менен эки тараптуу кызматташуу маселеси менен Сириядагы абалды талкуулады.
"Түрк тараптын демилгеси менен Путин жана Эрдоган телефон аркылуу сүйлөштү. Орус-түрк мамилелерин мындан ары өнүктүрүү жана Сирия маселесин жөнгө салуу талкууланды", — деп айтылат маалыматта.
Мындан сырткары, түрк президенти Путинди Мамлекеттик Думага депутаттары шайлоону ийгиликтүү өткөрүп алышы менен куттуктады.
Буга чейинки маалыматтарда Россиянын Мамдумасына болгон шайлоодо "Единая Россия" алдыда келе жаткандыгы айтылган.
