БИШКЕК, 22-сен. — Sputnik. Аукциондо 888ААА өзгөчө номери ушу тапта рекорддук деп саналган 180 миң сомго сатылды. Бул тууралуу онлайн-сатуунун сайтында айтылат.
Онлайн-сатуу 21-сентябрда башталган."121" сыяктуу кооз унаа номерлери аукциону жок сатыкка коюлат. Ал эми өзгөчө комбинациялуу номерлер Кыргызстанда биринчи жолу онлайн-аукцион аркылуу сатылып жатат. Буга чейин 01 KG 111AAA унаа номери 160 миң сомго сатылды. Ал эми ушул эле комбинациясы менен 333 номери 76 миң сомго кетти. Андан мурун 555AAA унаа номери 110 миң сомго сатылып кеткен. Бардык номерлердин регионалдык саны "01" — Бишкек.
666 саны бар комбинациялуу номер үчүн эки адам ат салышкан. Бул номердин баштапкы баасы 40 миңге барабар болчу. Ал номер 44 миңге сатылды.
888 саны бар унаа номери эки күндүк аукциондун эң кымбат номери бойдон калууда. Баштапкы баасы 40 миң сомго барабар болчу.
Мамлекеттик каттоо кызматы ушул жылдын 1-июнунан тарта унааларга мамлекеттик номерлердин жаңы үлгүсүн сата баштаган. Азыркы үлгүдө номер үч сандан жана үч тамгадан турат. Тушунда Кыргызстандын туусунун сүрөтү мурдагыдай эле сакталган.
