Атай Өмүрзаковдун окуучулары конкурстун финалына автоматтык түрдө өтүштү

© Sputnik / Табылды Кадырбеков"Чехия менен Словакия таланттарды издейт — 2016" конкурсунун Facebook баракчасынан тартылган сүрөт. "Адем" бий тобу
Чехия менен Словакия таланттарды издейт — 2016 конкурсунун Facebook баракчасынан тартылган сүрөт. Адем бий тобу - Sputnik Кыргызстан
Жазылуу
Калыстар тобу кыргызстандык бийчилерге башка турга катыштырбай эле финалга жол ачты.

БИШКЕК, 22-сен. — Sputnik. Атай Өмүрзаковдун "Адем" аттуу бий тобу эл аралык "Чехия менен Словакия таланттарды издейт — 2016" конкурсунун финалына автоматтык түрдө өттү. Бул тууралуу шоу-программанын расмий сайтында айтылат.

Конкурс "Cesko Slovensko Ma Talent 2016" Словакиянын борбору Братиславада өтүп жатат. Бийчилер өз номерин "Мортал Комбат" видео оюнунун элементтерин кошуп даярдашкан.

Атай Өмүрзаковдун Sputnik Кыргызстан агенттигине берген маалыматына ылайык, калыстар тобу таң калганынан улам финалга өткөрүүчү "Golden Buzzer" баскычын колдонушту.

Финалдык этап ноябрдын аягында өтмөкчү.

"Адем" бий тобу 2014-жылдын ноябрь айында түзүлгөн. Аны белгилүү бийчи Атай Өмүрзаков жетектейт. Украинадагы конкурста бул бий тобу үчүнчү орунду багындырган.

Жаңылыктар түрмөгү
0