БИШКЕК, 19-сен. — Sputnik. Япониянын Кавасаки шаарында көзү начар көргөн кыргызстандык Гүлүм Касымбаеванын концерти болуп өттү. Бул тууралуу КРдин Тышкы иштер министрлиги билдирди.
Анын концертине Кавасаки шаарынын вице-мэри Атцухи Миура катышып, Касымбаеванын талантына баа берди.
"Вице-мэр шаар тургундары Касымбаеванын чыгармачылыгын колдоп, жакшы кабыл алып жатканын баса белгиледи. Ал мындан ары да эки тараптуу кызматташууларга даяр экенин кошумчалады", — деп айтылат маалыматта.
Ал эми КРдин Япониядагы элчиси Чыңгыз Айдарбеков таланттуу кыз Кыргызстандын маданиятын таанытып жатканын айтты.
Белгилей кетсек, Гүлүм Касымбекова "Nodojiman the World 2016" сынагын жеңип алгандан кийин Японияда атактуу болуп кеткен. Учурда Токио, Осака, Окаяма, Нагоя, Наха шаарларында концерт берүү алдында турат.
