БИШКЕК, 18-сен. — Sputnik. Бүгүн, 18-сентябрда Мамлекеттик Думанын жетинчи чакырылышына шайлоо өтүп жатат. Шайлоо участкалары 8.00дө ачылып, жергиликтүү убакыт боюнча саат 20.00дө жабылат.
Быйыл 2003-жылдан бери биринчи жолу парламенттик шайлоо аралаш система менен өтүп, мында 225 депутат партиялык тизме менен, дагы ушунча эл өкүлү бир мандаттуу округдан шайланат. Депутаттык үчүн каттоодон өткөн14 партия менен бир мандаттуу округдан 2,1 талапкер ат салышып жатат.
Ал эми Кыргызстандагы россиялык жарандар үчүн үч шайлоо участкасы ачылып, шайлоочулар келип жатканын РФтин республикадагы элчилигинин маалымат кызматы билдирди.
Ага ылайык, шайлоо участкалары Бишкектеги элчиликте, Кант менен Караколдогу аскер бөлүктө жана Ош шаарындагы Башкы консулдукта ачылган.
Россиянын Кыргызстандагы элчиси Андрей Крутько Бишкектеги элчиликте ачылган шайлоо участкасында өз добушун берди.
