БИШКЕК, 17-сен. – Sputnik. Даниянын улуттук полициясы шумкарларга асмандан дрондорду таап жана илип кеткенди үйрөтүп жатат. Мындай аракеттер дипломаттар менен башка маанилүү адамдарды террорчулардын роботтошкон соккусунан сактоо максатында жасалууда. Бул туурасында РИА Новости Live Science сайтына шилтеме жасап кабарлады.
Акыркы 10-15 жыл аралыгында роботтошкон техниканынын заманы болуп көрбөгөндөй өнүгүп, көп өлкөлөрдө аскер жана жазалоо операциялары робот-дрондор тарабынан жасалып келет.
Мындан сырткары, ар бир эле кишинин дрондун жай жарандык түрүн сатып алууга мүмкүнчүлүгү бар. Быйыл жайда Карабахта Азербайжандын куралдуу күчтөрү каршылаштардын күчүн алсыратуу максатында дрон-камикадзелерди пайдаланган.
Мындай жагдай ар бир эле өлкөнүн күч түзүмдөрүн элди өзгөчө, саясатчыларды көп зыянга учуратпай сактап калууну ойлонтуп жаткан кези.
Анткен менен аскердик операциялар учурунда мындай фактылар көп болгондуктан, күч түзүмдөрү тыюу салууга аргасыз кылган жагдайлар кездешкен.
Мындай кооптуулукту жаратылыштын өзүнүн жардамы менен чече турган болду. Тагыраагы, буга АКШнын гербине түшүрүлгөн шумкарларды пайдаланууну чечишкен.
Полиция Guard from Above менен биргеликте канаттууларга дронду таап, кармап, ал тургай илип алып аны тартип коргоочуларга алып келип берүүнү үйрөтүшкөн.
Жакында эле бул ыкманы полиция менен орнитологдор дипломаттын ролунда болгон актерду жалдап кол салууну көрсөтүп беришкен. Полициянын айтымына караганда куш дронду кармап, ал эми актер "дипломатка" кол салуунун алдын алган.
Маалыматта бул "биотехнология" ийгиликтүү болгондуктан, Даниянын улуттук полициясы бир нече куштарды сатып алып, дрондун чабуулунан коргонууну баштай турганын айтышты.
