БИШКЕК, 8-авг. — Sputnik. Экинчи дүйнөлүк көчмөндөр оюндарынын ачылыш жана жабылыш салтанатында дрон (асмандан тасмага тартуу) пайдаланууга тыюу салынат. Бул тууралуу оюндардын катчылыгы билдирди.
Ага ылайык, 3 жана 8-сентябрь күндөрү жана даярдануу учурунда 28-августтан 2-сентябрга чейин асмандан тартууга жол берилбейт.
Ал эми Кырчын жайлоосунда жана ипподромдо өтө турган ат оюндарын тартууну каалагандар катчылыктын уруксаты менен тилегин ишке ашырса болот.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.
