БИШКЕК, 16-сен. — Sputnik. КРдин Өзгөчө кырдаалдар министрлиги октябрь айына карата күтүлүп жаткан аба ырайы тууралуу маалымат таратты. Ага ылайык, күз мезгилинин экинчи айы жаандуу болот.
Чүй жана Талас облустары: абанын температурасы климаттык нормадан 1 градус жогору болуп, Чүй, Талас өрөөндөрүндө 10…12 градус жылуу, Кемин өрөөнүндө жана тоо этектеринде 6…8 градус болушу күтүлөт. Айдын биринчи жана экинчи он күндүктөрүндө абанын температурасы түнкүсүн 2…7 градус жылуулуктан 8…13 градус жылуулукка чейин өзгөрүлсө, ал эми айдын соңунда түнкүсүн —3…-5 градус үшүк жүрүшү мүмкүн. Айдын ичинде абанын күндүзгү температурасы 13…18 градус жылуулуктан 23…28 градус жылуулукка чейин өзгөрүлүшү күтүлөт. Жаан-чачындын айлык көлөмү нормага жакын, кээ бир райондордо нормадан арбын жаайт (37-44 мм, тоо этектеринде 23-26мм).
Ысык-Көл: абанын орточо температурасы климаттык нормадан 1…2 градус жогору болуп, 7…10 градус жылуу болушу күтүлөт. Абанын күндүзгү температурасы 9…14 градус жылуулуктан 15…20 градуска чейин өзгөрүп турат. Жаан-чачындын айлык көлөмү нормага жакын болушу күтүлөт (4-26 мм, чыгышында 36-55 мм).
Нарын: абанын орточо температурасы климаттык нормага жакын, кээ бир райондордо климаттык нормадан 1…2 градус жогору болуп, 6…8 градус жылуу болушу күтүлөт. Ай ичинде абанын температурасы түнкүсүн 0…5 градус сууктан, 2…7 градус жылуулукка чейин өзгөрүлөт, күндүз 10…15 градус жылуулуктан 18…23 градус жылуулукка чейин болот.
