БИШКЕК, 15-сен. — Sputnik. Кытайдын бир канча авиакомпаниялары бортто Samsung Galaxy Note 7 смартфонун алып жүрүүгө тыюу салды. Бул тууралуу РИА Новости Shanghai Daily гезитине таянуу менен жазып чыкты.
Аталган чектөөлөр уюлдук телефондун батарейкасына байланыштуу кирип жатат.
Белгилей кетсек, буга чейин бир катар ЖМКлар аталган телефондун батарейкасы жарыларын жазып чыгышкан.
"Кытайдын 20дан ашуун авиакомпаниясы Samsung Galaxy Note 7 смартфондорун багажга салууга, борт ичинде көтөрүп жүрүүгө тыюу салды", — деп айтылат маалыматта.
Samsung Electronics — компаниясынын башкы кеңсеси Түштүк Кореяда жайгашкан. Аталган компаниянын 84 өлкөдө 319 миңден ашуун кызматкери иштейт.
