БИШКЕК, 15-сен. — Sputnik. Рио шаарында өтүп жаткан Паралимпиадага катышып жаткан кыргызстандык спортчу Арстанбек Базаркулов бүгүн жарышка чыгат.
Жеңил атлетчи спорттун найза ыргытуу түрү боюнча Бишкек убактысы менен саат 19:00дө күч сынашат.
Эске сала кетсек, Базаркулов буга чейин чоюн ыргытуу боюнча мелдешке чыгып, тогузунчу орунду алса, ага чейин таймашка чыккан Эсен Калиев пауэрлифтинг боюнча бешинчи орун алган.
Ал эми Рио-де-Жанейрого Кыргызстандан Эсен Калиев, Жыргалбек Орозбаев (пауэрлифтинг) жана Арстанбек Базаркулов (жеңил атлетика) барган.
Паралимпиада оюндары — ден соолугу боюнча мүмкүнчүлүгү чектелген жарандарын спорттук мелдеши. Мында спорттун 22 түрү боюнча 528 медалдын комплектиси ойнотулат.
