БИШКЕК, 10-сен. — Sputnik. Кыргыз мамлекеттик медициналык академия "40 жыл ден соолук үчүн кызматта" аттуу биографиялык жыйнак чыгарды. Бул тууралуу ведомствонун маалымат кызматынан кабарлашты.
Басылмада окуу жайдын 1976-жылкы бүтүрүүчүлөрүнүн 40 жыл ичинде медицина тармагынын өнүгүшүнө опол тоодой салым кошкон инсандары тууралуу маалыматтар камтылган.
Мында 11 бүтүрүүчү Кыргызстандын эмгек сиңирген дарыгери, экөө саламаттык сактоо тармагына эмгек сиңирген кызматкер дагы 19у илимдердин кандидаты болуп эсептелет.
Китептин жооптуу редактору Нурлан Бримкуловдун айтымында, курсташтардын мааракелик жолугушуусун уюштуруу үчүн алардын даректери такталып жатат. Учурда 1976-жылкы бүтүрүүчүлөрдүн көпчүлүгү чет өлкөлөрдө жашап, иштеп келишет.
