БИШКЕК, 8-сен. — Sputnik. Дүйнөлүк көчмөндөр оюндарынын алкагында Бактуу-Долоноту айылындагы ат майданда өткөн аламан байгеде Казакстандын күлүгү алдына ат салдырган жок. Экинчи болуп да Казакстандан келген күлүк алса, үчүнчү орунду Чүйдүн күлүгү камсыздады.
Аламан байгенин жыйытыгы боюнча биринчи орунга 1 миллион 300 миң сом, экинчи орунга 800 миң сом жана үчүчү орунга 500 миң сом тапшырылды.
Чоң ат чабышта Польша, Россия, Казакстан жана Кыргызстандын жети облусунан келген 40 күлүк 22 чакырымга чуркады.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү.
