БИШКЕК, 8-сен. — Sputnik. Германиянын чалгын кызматы (BND) 73 миллион еврого жакын каражатты коммуникациялык каналдар, тагыраагы ар кыл мессенжерлерге көзөмөл кылууга жумшамакчы. Бул туурасында РИА Новости Spiegel журналына шилтеме берүү менен кабарлады.
29 Баш оона 2016, 17:51
Аталган кызматтын 2017-жылдагы бюджети 808 миллион еврого чыгып, былтыркыга салыштырмалуу 12 пайызга көбөйгөн. Анын ичинен 21 миллион еврону мессенжерлердин талуу жерлерин издеп, кийин колдонуучулардын маалыматтарын тыңшап, чечмелей турган Panos долбооруна жумшоого пландап жатат.
Ал эми 2 миллионго жакын каражатты спутниктик жана телефондук байланыштан маалыматтарды тыңшоого өнүктүрүүгө жумшоону пландап жатышат. Анын ичинде Франкфурт-на-Майне шаарында жайгашкан интернет-трафиктин түйүнүн колго алуу планы да бар. Бул программанын алкагында Zerberus 0,7 миллион евро алууну пландап жатат.
Мындан тышкары, мамлекеттик коопсуздукка жооп берген ведомство менен чалгын кызматы өзүнүн бюджетин көбөйтүү ниетинде болуп жатат.
