БИШКЕК, 3-сент. — Sputnik. Дүйнөлүк саламаттык сактоо уюму Зика вирусу эл аралык маанидеги коркунучтуу вирус бойдон калып жаткандыгын жарыялап, бул тууралуу РИА Новости жазып чыкты.
Маалыматта вирус күн санап географиялык аймагын кеңейтип жаткандыгы белгиленген. Буга байланыштуу Дүйнөлүк саламаттык сактоо уюму дүйнөлүк коомчулукту ооруну айыктыруу жолдорун изилдөөгө чакырды.
Зика оорусу — маймылдардын курч инфекциялык илдети. Ал айрым учурда гана чиркейлер аркылуу адамга жуга турганы байкалган. Вирус көбүнесе кош бойлуулар үчүн өтө кооптуу, анткени ал түйүлдүктүн баш мээсине доо кетирет.
