БИШКЕК, 29-авг. — Sputnik. Москвалык айдоочуга трасса ортосундагы чийилген кош сызыкка айдап бара жаткан жолтандабасынын көлөкөсү түшүп калганы үчүн айып пул салынган. Бул туурасында РИА Новости борбордук радиостанциянын бирине шилтеме кылып билдирген.
Москвалык айдоочуга трасса ортосундагы чийилген кош сызыкка айдап бара жаткан жолтандабасынын көлөкөсү түшүп калганы үчүн айып пул салынган
© Фото / drive2.ru
Айдоочунун жол эрежесин бузгандыгы туурасындагы билдирмеде 25-августта ал Москва шаарындагы Липецкая көчөсүндө кетип бара жатып жасагандыгы айтылган.
Буга таңгалган айдоочу тартылып алынган сүрөттү Интернетке жайгаштырган. Анда трасса ортосундагы чийилген кош сызыкка жакын кетип бара жаткан жолтандабастын көлөкөсүн, кесип өтүүгө тыюу салынган чийимдин жарымына чейин автоунаа эмес, анын көлөкөсү чыгып кеткендигин көрүүгө болот. Жол кыймылын көзөмөлдөгөн видеокамера аны тартып калып, ал эми Жол кыймылынын коопсуздугу боюнча мамлекеттик автоинспекция айдоочуга айып пул төлөө кагазын жөнөткөн.
Мындай жагдайдан кийин жолтандабастын ээси аталган инспекцияга мунун негизсиз экендигин билдирген арыз менен кайрылган.
