БИШКЕК, 21-авг. — Sputnik. Дүйшөмбүдө Кыргызстандын айрым аймактарында өткүн өтүп, күн күркүрөшү ыктымал. Бул тууралуу Кыргызгидромет билдирди.
Бишкек шаарында жаан-чачындын ыктымалдыгы аз. Абанын түнкү төмөнкү температурасы 14…16, күндүз 28…30 градуска жетет.
Ал эми Ош шаарында түнкүсүн 19…21, күндүз 30…32 градус жылуу болуп, жаан-чачын күтүлбөйт. Синоптиктер калган аймактарда күндүз өткүн өтүп, күн күркүрөй турганын билдирди.
Батыштан соккон шамалдын ылдамдыгы секундасына 4-9 метрге чейин жетет.
Кыргызгидромет 22-августка чейин күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүү коркунучу сактала турганын эскертти.
