БИШКЕК, 20-авг. — Sputnik. Бразилиядагы жайкы Олимпиада оюндарында Кыргызстандын намысын коргоп жаткан балбан Айаал Лазарев коло медаль үчүн күрөшүү мүмкүнчүлүгүнөн кол жууду.
19 Баш оона 2016, 14:10
Эске сала кетсек, Лазарев буга чейин биринчи эле кармашында каршылашы Роберт Баранга 5:1 эсебинде жеңилген. Эгерде польшалык балбан Роберт Баран финалга жеткенде, биздин спортчу коло медаль үчүн күрөшүүгө мүмкүнчүлүк алмак.
Роберт Баран чейрек финалда 3:1 эсеби менен америкалык спортчу Тервел Длагневге утулду.
Риодогу Олимпиадага аттанган 19 кыргыз спортчунун ичинен бир гана Иззат Артыков оор атлетика боюнча коло тагынган. Анткен менен спортчунун канынан допинг табылды деген кине коюлуп, өлкө жалгыз медалынан кол жууган.
