Рио-2016: Айаал Лазарев биринчи кармашында утулду, бирок колодон үмүт бар
Рио-2016: Айаал Лазарев биринчи кармашында утулду, бирок колодон үмүт бар
Sputnik Кыргызстан
Эркин күрөш боюнча Кыргызстандын намысын коргоп жаткан Лазарев күрөш боюнча Европа чемпионатында күмүш тагынган польшалык балбандан жеңилүү ызасын татты. 20.08.2016, Sputnik Кыргызстан
Эркин күрөш боюнча Кыргызстандын намысын коргоп жаткан Лазарев күрөш боюнча Европа чемпионатында күмүш тагынган польшалык балбандан жеңилүү ызасын татты.
БИШКЕК, 20-авг. — Sputnik. Бразилиядагы жайкы Олимпиада оюндарында Кыргызстандын намысын коргоп жаткан балбан Айаал Лазарев 1/8 финалда польшалык спортчу Роберт Барандан 5:1 эсебинде жеңилди.
125 килограмм салмактык категориядагы спортчулардын 1/8 финалдык беттеши кызуу өтүп, кыргыз спортчусу атаандашына алдырып жиберди. Эгерде эле Роберт Баран финалга чейин чыга турган болсо, биздин спортчу жооткотучу беттешке укук алат.
Польшалык балбан Роберт Баран Европа чемпионатында күмүш медаль тагынган жайы бар.
Эске сала кетсек, Риодогу Олимпиадага аттанган 19 кыргыз спортчунун ичинен бир гана Иззат Артыков оор атлетика боюнча коло тагынган. Анткен менен спортчунун канынан допинг табылып, өлкө жалгыз медалынан кол жууган.
