БИШКЕК, 13-авг. — Sputnik. Эртең Кыргызстандын аймагында өткүн өтүп, күн күркүрөшү күтүлөт. Бирок, күндүн ысыктыгы бир катар аймактарда 34 градуска жетет. Бул тууралуу Кыргызгидрометтен кабарлашты.
Батыштан соккон шамалдын ылдамдыгы секундасына 4-9 метрге жетет.
Бишкекте түнкүсүн өткүн өтүшү мүмкүн. Ал эми күндүз жаан-чачын күтүлбөйт. Абанын түнкү температурасы 18…20 градус, күндүз 31…33 градус ысык болушу күтүлөт.
Ал эми Ош шаарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн 18…20, күндүз 32…34 градус ысык болот.
