БИШКЕК, 13-авг. — Sputnik. Билим берүү жана илим министрлиги өлкөдөгү 10 мектепте физика, математика, информатикага басым жасап, аны тереңдетип окутуу боюнча өкмөттүн токотомун иштеп чыкты. Документ эми коомдук талкууга коюлат.
Негиздеме документте, акыркы жылдары аталган предметтер боюнча билим деңгээли төмөндөп кеткендиги айтылган. Аны калыбына келтирип, окуучуларга сапаттуу билим берүүгө тиешелүү шарттарды түзүп берүүгө чаралардын зарылдыгы белгиленген.
"2016-2019-жылдары ар кыл аймактардагы 10 мектептерде сынамык долбоор иштетилиши керек",— деп айтылат документте.
Бул үчүн заманбап педагогикалык технология менен атайын окуу пландары түзүлмөкчү. Аталган предметтер боюнча окуу сааттары канча узара тургандыгы азырынча так айтыла элек. Алынган тажрыйбаны мындан аркы окуу процессинде колдонуу пландалууда.
