БИШКЕК, 13-авг. — Sputnik. Билим берүү министрлиги өлкө аймагындагы мектептерди интернетке туташтыруу үчүн тендер жарыялады.
Мамлекеттик сатып алуулар порталына жарыяланган маалыматка караганда интернет кызматын туташтырууга жалпы 163 миллион 600 миң сом жумшалат.
Мектептерди интернет менен камсыздоону 2016-жылдын 1-декабрына чейин толугу менен ишке ашыруу талап кылынат.
Тендер 12-августта жарыяланып, мөөнөтү үстүбүздөгү жылдын 5-сентябрында аяктайт.
