БИШКЕК, 11-авг. — Sputnik. Республика партиясынан АКШнын президенттигине талапкер Дональд Трамп Американын учурдагы башчысы Барак Обаманы "Ислам мамлекети" террордук тобун түзгөн деп айыптаганын РИА Новости агенттиги New York Times гезитине шилтеме берүү менен билдирди.
"Алар Обаманы көп жагынан мактап сыйлашат. Обама "Ислам мамлекети" террордук тобун түзгөн", — деген пикирин Трамп Флорида эл алдында сүйлөп жатып билдирген.
Ал эми өзүнүн президенттикке ат салышып жаткан негизги атаандашы Хиллари Клинтонду террордук топту түзгөндөрдүн бири деп атады.
Учурда АКШда президенттик шайлоо алдындагы аракеттер жүрүүдө. Шайлоо 8-ноябрга белгиленген.
Американын азыркы президенти Обама талапкер болуп жаткан Трампты "президент болуп иштей албайт, маанилүү маселелер боюнча түшүнүгү да жок" деп айткан.
