БИШКЕК, 6-авг. — Sputnik. Жер ортолук деңиз аркылуу быйыл Европага 262 миңден ашык качкын келгенин Миграция боюнча эл аралык уюм билдиргенин РИА Новости жазып чыкты.
Маалыматка ылайык, кооптуу деңиз жолу менен 262 миң 39 киши келген. Ошол эле учурда 3132 киши жоголуп же сууга чөгүп кеткен.
Мигранттар эң көп былтыр октябрь айында келген. Бир айда эле 220,5 миңден ашык киши Европага Греция аркылуу өткөн. Быйыл болсо эң көп качкындардын ири агымы январь айында катталып, 72,6 миң качкынды түзгөн.
