БИШКЕК, 5-авг. — Sputnik. "Ислам мамлекети" террордук тобу Ирактын Киркук провинциясынан үч миңдей кишини барымтага алганын БУУнун качкындар боюнча башкы комиссар башкармалыгы билдирди.
"БУУнун качкындар иши боюнча агенттиги "Ислам мамлекети" террордук тобу 4-августта 3 миң кишини барымтага алганы тууралуу маалымат алган. Алардын ичинен 12 кишини өлгөнүн Рейтер агенттиги билдирди", — деп айтылат башкармалык тараткан маалыматта.
Ирак аскерлери 2015-жылдын жайынан тарта Сирия менен чектешкен Анбар провинциясында "Ислам мамлекети" террордук тобуна каршы аракеттерди көрүп келет.
