БИШКЕК, 5-авг. — Sputnik. Соттор жана сот кызматына талапкерлер мүлкүн, киреше-чыгашасы декларациялоого милдеттендирилди. Тийиштүү конституциялык мыйзамга президент Алмазбек Атамбаев кол койгонун өлкө башчынын маалымат кызматы билдирди.
Мыйзам "Саясий, мамлекеттик жана муниципалдык саясий кызматтарды ээлеген жарандардын мүлкүн, киреше-чыгашасын декларациялоо жөнүндө" мыйзамын ишке ашыруу максатында иштелип чыккан.
Мындай чаралар сот системасындагы коррупциянын алдын алуунун натыйжалуу куралы болуп, мамлекеттик органдардын, жергиликтүү бийлик органдарынын коррупция менен биргеликте күрөшүү аракетин шарттайт.
