БИШКЕК, 3-авг. — Sputnik. Кыргызстандык жаш гимнаст Эдель Касенова Кытайда өткөн эл аралык Zhong Ling Beijing Cup 2016 мелдешинде эки алтын медаль менен кайтканын машыктыруучусу Сабина Аккулакова билдирди.
3 Баш оона 2016, 11:54
Пекин шаарында 1-августта башталган мелдеш 4-августта аяктайт. Ага Кыргызстан, Кытай, Гонконг, Сингапур, Малайзия, Япония, Канада, Австралия, Израиль, Россия жана Украинадан келген спортчулар катышкан.
Кыргызстандын намысын коргогон алты жаштагы Эдель обруч жана эркин көнүгүүлөрдө алдына эч кимди салган эмес. Ал ошондой эле көнүгүүлөрдү эң мыкты жана кооз аткарганы үчүн атайын сыйлыкка да ээ болгон.
