БИШКЕК, 22-июл.— Sputnik. Полиция кызматкерлери Алматыдагы атышуу боюнча жалган маалымат тараткан эки жаранды кармашты. Бул тууралуу Новости-Казакстан агенттиги Алматы шаардык ички иштер башкармалыгына таянуу менен жазып чыкты.
Казакстан бийлигинин маалыматында бул калабадан 5 адам өлгөн. Алардын үчөө полиция кызматкери, бирөө Казакстандын Чек ара кызматынын өкүлү, бирөө жай жаран.
"Абалды курчутуу боюнча жалган маалымат тараткан эки жаран кармалды. Алардын бири 20 жаштагы Алматы шаарынан студенти экенин такталды. Ал "шаардагы соода борборлордун бири барымтага алынды, окуядан адамдар өлүп жатат" деген жалган маалыматты байма-бай таратып турган", — деп айтылат маалыматта.
Мындан сырткары жалган маалымат таратты деп 23 жаштагы Алматы шаарынын тургуну колго түштү. Ал "куралданган 100 адам жүрөт" деген маалымат тараткан деп шектелүүдө.
Кармалгандарга карата кылмыш иши козголуп, учурда алар сурак берип жатышат.
