БИШКЕК, 17-июл. — Sputnik. 18-июлга караган түнү Стамбулда кармалган "Стамбул — Ош" багыты боюнча уча турган аба каттамы келерин КР Тышкы иштер министрлигинин маалымат кызматы билдирди.
Эл аралык "Манас" аэропортунун маалымат кызматынын билдиргендей 17-июлдун түнү рейс кармалган.
"Авиакомпаниянын алдын ала маалыматы боюнча "Стамбул — Ош" багыты боюнча кармалган учак Кыргызстанга 18-июлда Түркиянын сааты боюнча 02:00дө учуп келет", — деп айтылат маалыматта.
Учурда кармалган рейс менен уча турчу КР жарандары мейманканаларга жайгаштырылган.
"Манас" аэропортунан билдиргендей, учурда Кыргызстандан Түркияга уча турчу бардык аба каттамдар кадимки калыбында аткарылууда.
Белгилей кетсек, 16-июлдун түнүдө Түркия өлкө бийлигин басып алууга аракеттер болгонун жарыялаган. Өз кезегинде Түркиянын аскерлери бийлик алардын колуна өткөнүн жар салышкан. Ишемби күнү эртең менен аскерлер колго түшүп берип баштаган. Түрк бийлиги козголоңчулардын аракети ишке ашпай калганын билдиришкен. Түркиянын укук коргоо органдары тарабынан 3 миңден ашык киши камакка алынган, алардын арасында генералдар жана башка жогорку кызмат адамдары дагы бар. Өлкөнүн бийлигин басып алууга болгон аракеттин кесепетинен акыркы маалыматтар боюнча 265 киши каза болгонун билдирди. Алардын ичинен 104тү козголоңчулар.
