ТИМ: 16-июлдан бери изделип жаткан кыргызстандык аял табылды

© REUTERS / Alkis KonstantinidisТүркиянын желеги. Архив
Түркиянын желеги. Архив - Sputnik Кыргызстан
Жазылуу
Анын телефону бузулуп калгандыктан байланышка чыга алган эмес.

БИШКЕК, 17-июл. — Sputnik. Түркияда аскердик төңкөрүш кылууга аракет болгондон бери туугандарына байланышка чыкпай жаткан КР жараны табылганын Тышкы иштер министрлигинин маалымат кызматы билдирди.

Буга чейин маалымдалгандай, Анкарада карыган кишилерди карап иштеген аял 16-июлдан бери туугандары менен байланышпай калганы маалымдалган.

"16-июлдан бери туугандары менен байланышка чыкпай жаткан Кыргызстандын А.А. аттуу жараны табылды", — деп айтылат маалыматта.

Аялдын телефону бузулуп калгандыктан ал байланышка чыкпай жатканын ТИМ кошумчалады.

"Анын айтымында, телефону оңолор замат ал туугандарына байланышка чыккан", — деп маалымат кызматы белгиледи.

Тышкы иштер министрлиги Түркиядагы элчилик, Стамбулдагы Башкы консулдук жана Анкара шаарындагы кыргыздардын достук жана маданият коому менен такай байланышта болууда.

17-июлда саат 12:00гө карата КР ТИМдин тынымсыз телефонуна түрдүү маселелер боюнча 100дөн ашык телефон чалуу болгон.

Түркиянын аймагында жүргөн кыргызстандыктар ТИМдин төмөндөгү тынымсыз телефондоруна чалып, кайрылышса болот.

  • Анкарадагы элчилик: 00905447788545 же 00905467799445.
  • Стамбулдагы Башкы консулдук: 00905332048643 же 00905321310523;
  • КР ТИМдин консулдук кызматы департаментинин "тынымсыз номери": 0 312 66 34 05 (кошумча 119); 0556 007232, 0557 710535.

Анкара көчөлөрүндөгү аскерлер - Sputnik Кыргызстан
Кыргызстандык курсант Түркиядагы башаламандык учурунда аскер бөлүгүн коргогон
Жума күнү кечинде түрк бийлиги өлкө бийлигин басып алууга аракеттер болгонун жарыялаган. Өз кезегинде Түркиянын аскерлери бийлик алардын колуна өткөнүн жар салышкан. Ишемби күнү эртең менен аскерлер колго түшүп берип баштаган. Түрк бийлиги козголоңчулардын аракети ишке ашпай калганын билдиришкен. Түркиянын укук коргоо органдары тарабынан 3 миңден ашык киши камакка алынган, алардын арасында генералдар жана башка жогорку кызмат адамдары дагы бар. Өлкөнүн бийлигин басып алууга болгон аракеттин кесепетинен акыркы маалыматтар боюнча 265 киши каза болгонун билдирди. Алардын ичинен 104тү козголоңчулар.

Жаңылыктар түрмөгү
0