БИШКЕК, 16-июл. — Sputnik. Эл аралык "Манас" аэропортунан "Пегасус"авикомпаниясынын РС701 жүргүнчү каттамындагы учак Стамбулга учуп кеткенин аэропорттун Facebook баракчасына жарыяланды.
"16-июлда саат 6:28те Бишкекте Стамбул багыта боюнча "Пегасус"авикомпаниясынын РС701 жүргүнчү каттамындагы учагы учуп кетти", — деп айтылат маалыматта.
Аэропорттун маалымат кызматы бул маалыматты тастыктады.
Жалпысынан Бишкек шаарынан Стамбулга жалпысынан үч аба каттам пландалган. Алар саат 5:25те, 6:15те жана 7:05те учмак. Биринчи каттам "Сабиха" аэропортуна учса, калган экөө "Ататүрк" аба майданына конмок.
"Саат 7:05теги аба каттам (Түрк аба жолдору авиакомпаниясы) токтотулганы маалымдалып, анын себеби айтылган эмес.
Айрым ЖМК Түркиядагы абалдан улам өлкө аба майданын толугу менен жапканын маалымдашкан.
Ал эми өлкөнүн президенти Тайип Эрдоган төңкөрүш жасоого аракет кылгандар катуу жазалана турганын айтып, бул баш аламандыкты токтотуу үчүн элди көчөгө чыгууга чакырган. Эрдогандын тарапташтары аскерлердин аракеттерине каршылык көрсөтүүгө аракет кылууда.
