Батыш Тянь-Шанды ЮНЕСКОнун материалдык эмес тизмесине киргизүү каралууда

© Фото / Геннадий ЗакировТянь-Шань тоолору. Архив
Тянь-Шань тоолору. Архив - Sputnik Кыргызстан
Жазылуу
Жекшемби күнү ЮНЕСКОнун дүйнөлүк мурастар боюнча комитетинин кезектеги жыйыны ачылды.

БИШКЕК, 11-июл. — Sputnik. ЮНЕСКОнун дүйнөлүк мурастар боюнча өтүп жаткан 40-жыйынын алкагында эксперттер дүйнөлүк мурастар тизмесине киргизүүгө түшкөн 29 арызды карайт. Бул туурасында аталган уюмдун сайтында маалымдалган. 10-июлда башталган сессия дагы тогуз күн уланат.

Тизмеге кирүүгө талапкер болгон мурастардын катарында Кыргызстан, Казакстан жана Өзбекстан сунуштаган Батыш Тянь-Шань тоо кыркалары кирет.

Ажайып Кыргызстан: суктанып көз талбаган Чоң-Ак-Суу капчыгайы - Sputnik Кыргызстан
Ажайып Кыргызстан: суктанып көз талбаган Чоң-Ак-Суу капчыгайы
Арыздардын арасында биздин тоолордон башка Ирактын түндүгүндөгү месопотамия саздары, Чыгыш Египеттеги орто кылымга таандык делген бейиттер, Гибралтардагы неандерталецтердин үңкүрлөрү, Ирандагы Деште-Лут чөлдөрү дагы бир катар жайлар бар. Булардын сырткары бизге аймакташ Түркмөнстан Койтендаг тоо кыркаларын сунуштаган.

Мындан сырткары бул сессияда дүйнөлүк мурастар тизмесине киргизилген 108 объектинин, анын арасында кара тизмеге кирген 48инин абалы талкууланат.

Буга чейин ЮНЕСКОнун дүйнөлүк мурастар тизмесине Сулайман-Тоо менен кыргыз боз үйү киргизилген. 

ЮНЕСКОнун тизмесине алынган мурастар туурасындагы маалыматты Sputnik Кыргызстан агенттигинин төмөнкү инфорграфикасын таанышсаңыздар болот.

Кыргызстандын маданий мурастары тууралуу Sputnik Кыргызстандын инфографикасынан көрүңүздөр>> 

Жаңылыктар түрмөгү
0