БИШКЕК, 11-июл. — Sputnik. Түштүк Кореялык медицина кызматкерлери өлкө аймагында Зика вирусу катталганын ырасташты. Бул тууралуу РИА Новости жазып чыкты.
Ренхап агенттигинин маалыматына караганда вируска чалдыккан 52 жаштагы жаран 2010-жылдан тарта Гватемалада жашайт. Ал эмгек өргүүсүн мекенинде өткөрүү үчүн келген.
Бүгүнкү күнгө карата Түштүк Кореяда Зика вирусуна кабылгандардын саны алтыга жетти. Алардын үчөөсү Филиппинге барганда, бирөө Вьетнамда, экинчиси Доминиканда, дагы бирөө Бразилияда жүргөндө жуктуруп алышкан.
Зика оорусу — маймылдардын курч инфекциялык илдети. Ал айрым учурда гана чиркейлер аркылуу адамга жуга турганы байкалган. Вирус көбүнесе кош бойлуулар үчүн өтө кооптуу, анткени ал түйүлдүктүн баш мээсине доо кетирет. Ал биринчи жолу 1947-жылы Угандада пайда болгон.
