Пальмиранын үстүнөн Ми-25 атып түшүрүлүп, россиялык эки учкуч курман болду

© Sputnik / Михаил Воскресенский / Медиабанкка өтүүПальмира шаарынын көчөлөрү. Архив
Пальмира шаарынын көчөлөрү. Архив - Sputnik Кыргызстан
Жазылуу
Маалымат түшкөндөн кийин экипаждын командири Ряфагать Хабибулин террорчуларга чабуул коюу чечимин кабыл алган.

БИШКЕК, 9-июл. — Sputnik. Россиялык аскер учкучтар Пальмиранын үстүнөн жума күнү учуп жүргөндө курман болгондугун РФтин Коргоо министрлиги билдирди.

Министрликтин кабарында, 8-июль күнү "Ислам мамлекети" террордук уюмунун ири отряды Пальмиранын чыгыш тарабына Сириянын өкмөттүк аскерлери турган жерге сокку урган.

Алар коргонууну бузуп өтүп, ошол жердеги кароол чокуну ээлеп алышкан. Бул учурда россиялык учкуч-инструкторлор Ряфагать Хабибулин менен Евгений Долгин сириялык Ми-25 тик учагы менен аймакты айланып учуп жүргөн.

"Сириялык аскер башкармалык экипажга кирип келген согушкерлерди атуу боюнча маалымат жөнөткөн. Экипаждын командири Ряфагать Хабибулин террорчуларга чабуул коюу чечимин кабыл алган. Россиялык экипаждын сабаттуу жасаган операциясынан улам террочулардын чабуулу үзгүлтүккө учураган", — деп айтылат таратылган маалыматта. 

Тик учактагы согуштук каражаттар түгөнүп, кайра артка кайткан кезде террорчулар аларды жерден атып түшүргөн. Мындан кийин Ми-25 сириялык күчтөр көзөмөлдөп турган жерге кулап, ичиндеги эки учкуч курман болгон.

Коргоо министрлигинен экипаж мүчөлөрү командачылык тарабынан мамлекеттик жогорку сыйлыкка көрсөтүлгөндүгүн кабарлады.

Жаңылыктар түрмөгү
0