БИШКЕК, 9-июл. — Sputnik. Жалал-Абад облусундагы Кара-Көл шаарынын мэрин кайтадан шайлоо 21-июлда өтө турганын Борбордук шайлоо комиссиясы (БШК) билдирди.
Буга чейин 4-июлга белгиленген шайлоо бир да талапкердин тийиштүү көлөмдө добуш ала албаганынан улам болбой калган.
Шаардын мурунку мэри Мамбет Койчиев июнь айынын башында премьер-министр Сооронбай Жээнбековдун буйругу менен кызматынан алынган. Ага чейин облустук прокуратура Койчиевге карата мыйзам бузгандыгы үчүн кылмыш иши козголгонун айтып, өкмөт башчыга сунуш киргизген.
Койчиев жер тилкесине байланыштуу мыйзамсыз аракеттерге барган деп айыпталууда.
