Атамбаев Нарынды суу менен камсыздоону жакшырта турган мыйзамга кол койду

Жазылуу
Келишимге ылайык, долбоордун жалпы баасы 6,2 миллион еврону түзөт.

БИШКЕК, 9-июл. — Sputnik. Президент Алмазбек Атамбаев "Нарын шаарындагы суу менен камсыздоо жана каналдаштыруу тутумдарын реабилитациялоо" долбоору боюнча келишимдерди ратификациялоо тууралуу мыйзамга кол койду. Бул туурасында президенттин маалымат кызматы кабарлады.

Былтыркы жылдын 23-июлунда Кыргыз жана Швейцария өкмөттөрүнүн ортосунда аталган грантты берүүгө боюнча кредиттик макулдашууга кол коюлган.

Люк. Архив - Sputnik Кыргызстан
Нарында кудуктагы ыплас суудан чыккан жытка ууланып үч жумушчу каза болду
Келишимге ылайык, долбоордун жалпы баасы 6,2 миллион еврону түзөт, анын ичинен 2 миллиону – Евразия реконструкциялоо жана өнүктүрүү банкынын каражаты. 3,2 миллион евро Швейцария конфедерациясынын гранты, мындан тышкары бир миллион евро да гранттык каражат.

Мыйзамды Жогорку Кеңеш 2016-жылдын 1-июнунда кабыл алган.

Макулдашуунун максаттары — капиталдык салымдарды финансылоо; инвестицияларды даярдоо жана жүзөгө ашыруу үчүн консультациялык кызматтарды көрсөтүү; кызыкдар тараптардын корпоративдик өнүгүү жана катышуу программасын даярдоо жана жүзөгө ашыруу үчүн консультациялык кызматтарды көрсөтүү жолу менен Нарын шаарындагы суу менен камсыздоо жана каналдаштыруу кызматтарынын сапатын жакшыртууга көмөктөшүү.

Жогоруда аталган келишимдер Нарын шаарынын суу менен камсыздоо жана каналдаштыруу тутумдарын мындан ары жакшыртууну көздөп, суу секторунун өнүгүшүнө оң таасир этет.

Жаңылыктар түрмөгү
0