Жергиликтүү бийлик өкүлдөрүнүн ыйгарым укуктары кеңейет

Жазылуу
Учурда өз алдынча башкаруу органдары тийиштүү мыйзамдын жоктугуна карабастан, бир катар милдеттерди аткарып келет.

БИШКЕК, 9-июл. — Sputnik. Президент Алмазбек Атамбаев "Мамлекеттик ыйгарым укуктарды берүү чөйрөсүндөгү айрым мыйзам актыларына өзгөртүүлөрдү киргизүү жөнүндө" мыйзамына кол койгонун өлкө башчынын маалымат кызматы билдирди.

Маалыматка ылайык, мыйзамдын концепциясы төмөнкүлөрдү ишке ашырууга багытталган:

  • Мамлекеттик органдардын жана жергиликтүү өз алдынча башкаруу органдарынын функцияларын жана ыйгарым укуктарын чектөөдө конституциялык принциптерди пайдалануу;
  • Жергиликтүү өз алдынча башкаруу органдарына мамлекеттик ыйгарым укуктарды берүү, аларды жүзөгө ашыруу үчүн зарыл болгон материалдык, финансылык жана башка каражаттарды кошо берүү мүмкүндүгү тууралуу Конституциясынын 113-беренесинин 2- бөлүгүн аткаруу.

Президент Алмазбек Атамбаев жана өзгөчө кырдаалдар министри Кубатбек Боронов. Архив - Sputnik Кыргызстан
Атамбаев табигый кырсыктардын кесепетин жоюу боюнча маалымат алды
Азыркы учурда жергиликтүү өз алдынча башкаруу органдары тийиштүү мыйзамдын жоктугуна карабастан, мамлекеттик органдардын жарандарды эсепке алуу, каттоо жана каттоодон чыгаруу, шайлоочулардын тизмесин түзүү, жарандык абал актыларын каттоо, нотариалдык кызмат, аскерге милдеттүүлөрдү жана аскерге чакырылгандарды алгачкы эсепке алуу, аларды аскердик каттоого алуу жана каттоодон чыгаруу, жарандарды аскер кызматына чакырууга көмөктөшүү, салыктарды жыйноо, статистиканы жүргүзүү сыяктуу милдеттерди аткарып келет.

Ушуга байланыштуу аталган мыйзамга өзгөртүү киргизүү зарылдыгы келип чыккан. 

Мыйзам расмий жарыялангандан тартып 10 күн өткөндөн кийин күчүнө кирет.

Жаңылыктар түрмөгү
0