БИШКЕК, 8-июл. — Sputnik. Kinder шоколаддарында кооптуу заттар табылганына байланыштуу Россиянын керектөөчүлөр укугунун корголушун көзөмөлдөгөн федералдык кызматы тийиштүү маалымат алуу үчүн Европа биримдигине кайрылды.
15 Чын Куран 2016, 14:06
Буга чейин Германияда Foodwatch керектөөчүлөр укугун коргоочу көз карандысыз уюму өз сайтына курамында кооптуу заттар бар экени аныкталгандан кийин Kinder шоколаддарын сатуудан алып салууну талап кылган.
Уюмдун маалыматында аталган продукциядагы нефть иштетүүдө пайдаланылуучу минералдык майлар рак илдетин пайда кылууга жөндөмдүү келет. Аталган ишкана компания даярдаган продукциянын 20 түрүн текшерип чыгып, анын үчөөндө аталган майлардын деңгээли чектен ашып кеткенин аныктаган.
Россиянын керектөөчүлөр укугунун корголушун көзөмөлдөгөн федералдык кызмат Европа биримдигине кайрылганы менен азырынча Kinder азыктарынан кооптуу заттар табылганы боюнча башка эл аралык уюмдардан маалымат келе электигин белгиледи.
