БИШКЕК, 7-июл.— Sputnik. Европа чемпионатынын жарым финалдык бөлүгүндө Уэльс менен беттешкен Португалиянын футбол боюнча курама командасы жеңишке жетишип, финалга чыкты.
Эскерте кетсек, оюн кечээ Франциянын Лион шаарындагы стадиондо өттү. Алгач эки команда бири-бирине байкоо салып, биринчи таймда эсеп ачылган жок. Экинчи бөлүктө Криштиану Роналдунун башы менен киргизген тобу, андан кийин Нанинин киргизген голу португалиялыктар үчүн финалга жол ачты.
Бүгүн, 7-июль күнү жарым финалдык беттеште француздар менен немистер күч сынашып, финалда ойной турган команда аныкталат. Бир айга созулган чемпионаттын жыйынтыктоочу беттешүүсү 10-июль күнү "Стад де Франс" стадионунда өтөт.
