БИШКЕК, 4-июл. — Sputnik. Немистердин 60 пайыздан ашыгы Стамбулдагы же Брюсселдеги жардыруудан кийин Германиянын аба майдандарында да терактылар болуп кетет деп кооптонушат. Бул тууралуу РИА Новости Bild am Sonntag басылмасынын кабарына таянып билдирди.
Мындай жыйынтык Emnid илим изилдөө институту жүргүзгөн сурамжылоодон кийин белгилүү болгон.
Сурамжылоого катышкандардын 62 пайызы Германиянын аба майдандарынын биринен мындай терактыны баары бир күтөрүн, ал эми 33 пайызы андай болбойт деген ишимин айтышкан.
Аба майдандарынын имараттарынын алдында коопсуздук боюнча көзөмөл орнотуу туурасындагы пикирге 57 пайызы макул экендигин билдиришкен. Ал эми немистердин 87 пайызы быйыл Түркияга барбай тургандыгын, ал эми 13 пайызы сапар тартып калышы мүмкүндүгүн айткан.
Сурамжылоо 30-июндун аягында жүргүзүлүп, ага 502 адам катышкан.
